Wie vel laufe mer dord Strosse ond niemer erkennt i eusne Auge, all die Störm wo i eus wüeted. Mer redid ond niemer ghört d'Stilli hinder eusne Wort...bis mer ergendwenn ganz verstommid und met de Schwäri i eusem Härz eleige blibed.

​

Mer hends Gfühl, dasmer zu empfindlich send, dass eus mängisch au nur chlini Sache so verletzed. Ond mängisch merke mer gar nöm, dass die Sache ned chlii send, wel mer eus de eignig Wärt ned bewusst send ond kes Gfühl me deför hend, wie normale Respäkt und Wärtschätzig wörd usgseh.

​

Ech biete der mini Hand und Gsellschaft ah, bim finde vo dinere Wohrheit. Ob i heitere Ziite oder ufem Wäg dor die donkle Gasse.

​

Euse Termin findet offline, ganz persönlich und gmüetlech bi mier in Merenschwand statt.