Heilig uf allne Ebene ilade
Körperlech, psychisch, emotional und fiinstofflech - Heilarbet ladt Heilig uf allne Ebene ih.
Mängisch het mer kei Wort zom Beschriebe was i eim vorgoht. Mer gspört en Druck, Stress, Chummer oder au körperlechi Beschwärde wo mer gar ned rächt weiss, wo här dass sie chöme. Mer wet en Verhaltenswiis ändere, aber schaffts ned obwohl mer uf mentaler Ebeni dra gschaffet het. D'Wält rennt gfühlt a eim verbii und mer het mängisch s'Gfühl gar ned mitzspiele. Die ganzi Stimmig und Energie wo um eus herrscht, bringt eim usem Glichgwecht.
Bi de Heilarbeit dien ich sozsäge als Brugg zwüsche dier und de Experte usde geistig Wält. Über mech chönd d'Heilimpuls und Freqzuänze usde fiinstoffliche Ebeni zu der fliesse. Ech heile aso nüt, ich diene nur als Instrument. S'Ziel esch dini Sälbstheiligschräft z'aktiviere, Blockade z'löse und dech energetisch wieder in Balance z'brenge.
Wie lauft en Sitzig ab?
Istieg
Nachem acho starte mer memne chorze Gspröch, wo du mer wenn du wetsch, dini Theme wo dech beschäftiged, chasch metteile.
Empfange
Nocher darfsch du häreligge (wenns der lieber esch au sitze bliibe) und mer startet mit de Heilarbeit. D'Heilarbeit nimmt de gröschti Teil vode Ziit ih.
Abschluss
Imne churze Abschlussgspröch weti wösse wie du dech fühlsch und gibe der allfälligi Inputs woni becho ha vo de geistige Wält wiiter.
Du bhaltisch während de Behandlig dini Chleider ah - nur d'Schueh dafsch gärn abzieh. Du chasch also i dine normale Chleider oder au im Trainer cho, was der wohler esch. Wasi der empfiehle send Socke, demet dini Füess schön warm hend.
Ob du d'Sitzig ganz ide Stilli oder mit liisliger Musig im Hintergrund möchtisch, bespräche mer im Vorus. Au obi Essenze, ätherischi Öl oder Räucherige sel verwände oder ned. Du darfsch di komplett wohl fühle.
Stress di bitte ned sälber, in dem du s'Gfühl hesch du setsch öpis gspöre oder du setsch di meh entspanne etc. Es werd so rechtig sii, wies passiert.
Bi was höufts?
Einigi Awändigsgebiet wäred zom Bispel:
-
körperliche und emotionale Stress
-
Erschöpfig
-
körperlichs und sellischs Unwohlsii
-
Angst- und Panikattacke, Nervosität
-
Emotionali Blockade
-
Selbstbewusstsii und Selbstvertroue stärke
Wichtig:
Eine energetische Sitzung ersetzt keinesfalls die Arbeit von Psychotherapeuten, Ärzten oder Heilpraktikern. Es richtet sich an Menschen mit einer normalen physischen und psychischen Belastbarkeit. Es wird kein Heilversprechen gemacht. Die Wirkungsweise und der Erfolg der energetischen Anwendungen ist naturwissenschaftlich nicht belegt.
TO HEAL IS TO TOUCH WITH love THAT WHICH WE PREVIOUSLY TOUCHED WITH FEAR.
STEPHEN LEVINE
