DU BESCH SO VÖU meh...

...esch zu miner Härzensmission worde. Ech wet der wieder nöcher bringe, wie wertvoll du besch und wie viel dech definiert und wie wenig der velech grad bewusst esch. Wie wechtig ases esch, dases der guet goht und du guet zu der luegsch. Du hesch so unglaublich viel sälber i dine Händ und dafsch wieder afange der z'vertraue und muetig z'wärde und z'entdecke wer du werklech besch und wetsch sii - und ob du dech gad i dem Umfeld ufhaltisch, sigs Beziehig, Fründe, Arbeitsplatz oder Single sii, wo du werklech wetsch sii?

 

Ech be för dech do, a dem Punkt wod feststecksch, wos der ned guet goht, wod truurig besch und eifach wetsch, das öper do esch und der werklech zuelost. Bi mer gohts einzig und elei um dech. Der en schützende Ruum z'gäh zum eifach truurig sii aber au der wieder i dini Chraft z'hälfe zum das churze Läbe womer gschänkt becho hend rechtig z'Gniesse und z'Läbe als genau dä einzigartig Mönsch wo nor du besch!

 

20210209_164706.jpg

RoadTRIP

...mit Härz, Seel und PS

Für mich isch es mega wichtig, dass du dich bi mier wohl fühlsch und ich dier en Ruum schaffe, wo du alles wo du möchtisch, chasch verzelle. En Ort wo du dier sälber und dine Theme ehrlich und sälbstverantwortlich chasch begägne. Für mich isch en Ort wonech liebe und mer guet duet immer mis Auto gsi. Weni dänke wie viel Kilometer ech früener gmacht ha. Mittlerwile hani anderi Weg für mich sälber gfunde - d'Liebi zum Autofahre esch aber blobe. Da i mi selbständig gmacht ha, zum genau mis Ding mache, hani mi dezue entschiede wiedermou us de Reihe z'tanze und mer kei Praxisruum z'sueche, sondern die fahrendi Gsprächspartneri z'wärde. S'Auto isch perfekt... so vel Mönsche chönd im Auto viel besser rede, als Face to Face. Näbst em Ruum wo ich dier schaffe, bietet s'Auto an sich der scho en chline sichere geborgne Ruum.

EN ROADTRIP MET MER ESCH PASSEND FÖR DICH, WENN Du...

  • Dier sälber wetsch vergäh und fürsorglicher mit dier afange umgah

  • Kennelehre möchtisch was di unbewusst länkt oder der im Weg stoht

  • D'Magie vo diner Seel und dini Essänz wieder entdecke wetsch

  • De Stift zum d'Gschicht vo dim Läbe schribe, wieder voll i dini Hand näh möchstsch

  • Der wetsch bewusst wärde, was für dich wirklich zählt und das zu dim Standard mache

  • Authentisch, liebevoll und starch din Standpunkt wetsch afange verträtte

  • Bewusster und achtsamer wetsch wärde

  • En Mönsch wärde möchtsch, wo so fescht sech sälber esch, dass sich jede ander sicher fühlt debi, au sich sälber z'sii

  • All die Liebi wo anderne hesch welle gä, wo sie ned hend welle oder chöne anäh, endlich dier sälber schänke möchtsch

GIRL AN HER MOON

YOUR POWER IS YOUR BRAVERY TO  heal.

Natürlich esch die Liste obe überhaupt ned abschliessend. Die chönt so endlos ergänzt wärde, wie eusi Läbe farbig und unterschiedlich sind. Die Biespiel seled der e chlini Idee gä, was mer chönt aluege. Was sich denn hinter dim Thema zeigt isch oftmals au öpis anders als du erwartisch.

 

Ech bi ned die wo dich i dine Illusione unterstützt, sondern dich fürsorglich und klar ermuetigt ehrlich härezluege. Werklech häre z'luege. Usezfinde was der im Weg stoht werklech dech sälber z'sii und dine Weg z'goh.

 

Es git aber au die Moment womer eifach daf stohbliibe, häresitze und sech sälber Ziit und Ruum gäh. Womer liebevoll und fürsorglich daf aluege, wases etz gad brucht, dasmer sech sicher und ufghobe fühlt. Chraft z'tanke und sich mit sich sälber z'verbinde, das mer wenn de Moment chund, wieder muetig und klar sine Weg cha witer go.

30 Minuten

CHF 55.-

60 Minuten

CHF 111.-

90 Minuten

CHF 166.-

20210210_163136.jpg

Julia Noser

Zürichstrasse 46

5634 Merenschwand

076 380 20 28

info@julianoser.ch

© 2020 JULIA NOSER